最近，下班回到住所大堂準備「禁lift」(詞彙貧乏，請見諒)時，總有一位女保安很主動的替我「禁」了，她的殷勤主動令我感到有點受寵若驚，而我每次都回應一聲冷冷的「唔該」。

最近，本人「面書」(柒不可耐的名字)染上了一些柒毒，打擾了各位令在下於心有愧，故在此致歉，sorry同志們！

說到sorry，這一詞最近在腦中經常出現，其實這是某韓國男子組合的歌曲內一句歌詞，不知何故很上腦，以下給大家先聽為快。

http://www.youtube.com/watch?v=tm6rbVIcC8s

變魔術那段令本人不禁笑鳥。

 好一幅「歲月不留人」

話說星期五下晝，我同Lau Ka、Jacky Ng去o左第一城打波仔，大概六點幾我地去7-11買o野飲，突然，我背後有把聲：「阿亨！」，回頭一望，原來係F.5班主任Mrs Lee，佢話佢認得我，o係佢身旁仲有做o左LKM新校長(好似係)o既Miss Fung，佢亦都話認得我，又話佢記得F.1教過我。

一見到呢兩個Miss，即時覺得我又返到學生時代，突然間呢種感覺湧上o黎。

天色昏暗o既六點幾、第一城o既7-11、全身汗o既我，就好似以前o係學校打到要拉閘先走，然後著住套連褲浪位都濕埋o既校服，揹住個大書包同幾個波友一齊去7-11買o野飲。

回一回神，原來只係一個廿歲出頭o既社會人士o係度發白日夢。

巨爵！Rock！今次真係熱烈地彈琴熱烈地唱！

如果聽日都keep住係八號，咁就真係high過著不灰鞋。

要知道，一個能維持到第二日下晝o既颱風，先可以算係一個真正o既颱風。

台灣之旅過後，我又過著每天上班的日子，突然，好想，過著從前每天打波的日子。

前天晚上，因為放假所以我去了打波，看著我那雙類裝甲車的「邦邦」籃球鞋，還保養得不錯嘛，可能也和我不多打球有關，但一看鞋底，令我驚訝的是前腳掌部份竟磨蝕得那麼厲害，可以用「好入肉」o黎形容。想不到堅固的裝甲底下，原來已耗損到這地步，證明了我的運動量也不少耶。

今年的NBA選秀，有一位令我很好奇的球員，他是被馬刺選中的大前鋒Blair，聽說他雙膝曾做前十字韌帶重建手術，但不知為何又被體內組織自行吸收了，變成無前十字韌帶，膝蓋所需的平衡及穩定能力全靠周遭肌肉的支援，但仍能在大學比賽中瘋狂搶籃板、利用他那270磅的噸位殺爆禁區。來季，因為他，我會給馬刺更多的關注。

一提最近看了一套電影，好像叫《求婚的惡魔》，個人覺得這套愛情喜劇也值得一看，愛情夠愛，喜劇又夠喜:o)。在後段女主角步入教堂的一刻，我頓時有點感動的感覺，shit，我該不會是有顆恨嫁的心吧(打出來的時候也覺有點噁心)。

今日起身返工o個時，有種失落感，可能心理上仲未準備好去工作。

尋日o係西門町搭的士去機場o既途中我都冇乜倦意，好似好唔捨得返香港，想留耐D。

值得一提尋晚返到屋企去廁所「辦大事」o個時，竟然「支力」到訓o左。

由以上幾點可以proof到，呢次係一個開心o既旅程，哈。